第二届运动会（2023）
校园景色
校园夜景
首届运动会-校长发言
《གླིང་སྒྲུང་སྒྲུང་རྙིང་ཕྱོགས་བསྡུས་རིན་བྲལ་ནོར་ཕྲེང》འགྲེམ་སྤེལ།
ཟླ11པའི་ཚེས29ཉིན། 《གླིང་རྗེ་གེ་སར་རྒྱལ་པོའི་སྒྲུང་རྙིང་ཕྱོགས་བསྡུས་རིན་བྲལ་ནོར་བུའི་ཕྲེང་བ》ཞེས་པའི་(པོད1-118ཀྱི་བདག་ཉིད་ཅན་)དེབ་གསར་འགྲེམ་སྤེལ་ཚོགས་འདུ་ཁྲེང་ཏུའུ་གྲོང་ཁྱེར་དུས་རབས་གྲོང་ཁྱེར་ཚོགས་འདུ་འགྲེམ་སྤེལ་ལྟེ་གནས་སུ་འཚོགས་ཤིང་། སི་ཁྲོན་ཞིང་ཆེན་ཏང་ཨུ་དྲིལ་སྒྲོག་པུའུ་དང་། གསར་འགྱུར་དཔེ་སྐྲུན་ཅུའུ། སི་ཁྲོན་དཔེ་སྐྲུན་ཚོགས་པའི་འབྲེལ་ཡོད་འགན་འཁུར་པ། ལས་གཞིའི་རྣམ་གྲངས་རྩོམ་སྒྲིག་ཨུ་ཡོན་ལྷན་ཚོགས། གླིང་སྒྲུང་རིག་པའི་ཆེད་མཁས་པ་དང་རིག་གཞུང་ཞིབ་འཇུག་པ་བཅས་ཁྱོན་མི་གྲངས200ལྷག་ཙམ་འགྲེམ་སྤེལ་ཚོགས་འདུར་ཞུགས་ཡོད་པ་རེད། དཔེ་ཚོགས་དེ་ནི་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་སྡེ་དགེ་རྫོང་ཏང་ཨུ་དང་རྫོང་མི་དམངས་སྲིད་གཞུང་གིས་ཇུས་འགོད་བྱས་ཏེ་མ་དངུལ་བཏང་བ་དང་། སི་ཁྲོན་ཞིང་ཆེན་བོད་ཡིག་དཔེ་རྙིང་འཚོལ་བསྡུ་སྲུང་སྐྱོབ་རྩོམ་སྒྲིག་ཁང་དང་སྡེ་དགེ་རྫོང་རིག་གནས་ཡུལ་སྐོར་ཅུའུ་ཡིས་འཚོལ་བསྡུ་དང་ལེགས་སྒྲིག་བྱས་ཤིང་། སི་ཁྲོན་མི་རིགས་དཔེ་སྐྲུན་ཁང་གིས་པར་དུ་སྐྲུན་པ་རེད།
འདི་ནི་འཇམ་དཔལ་རྒྱ་མཚོས《གླིང་རྗེ་གེ་སར་རྒྱལ་བོའི་སྒྲུང་རྙིང་ཕྱོགས་བསྡུས་རིན་བྲལ་ནོར་བུའི་ཕྲེང་བ》ཞེས་པའི་དེབ་གསར་འགྲེམ་སྤེལ་ཚོགས་འདུའི་ཐོག་གཏམ་བཤད་གནང་བའི་ཚུལ་རེད།
སྤྱི་ཁྱབ་རྩོམ་སྒྲིག་པ་ཚེ་རིང་བཀྲ་ཤིས་ཀྱིས《གླིང་རྗེ་གེ་སར་རྒྱལ་པོའི་སྒྲུང་རྙིང་ཕྱོགས་བསྡུས་རིན་བྲལ་ནོར་བུའི་ཕྲེང་བ》ཡི་འགྲེམ་སྤེལ་ཚོགས་འདུའི་ཐོག་གཏམ་བཤད་གནང་བཞིན་པ།
ཡོང་ཁུངས། ཀྲུང་གོའི་བོད་ལྗོངས་དྲ་བ།
ཡིག་སྒྱུར། ཀླུ་འབུམ་ཚེ་རིང་།
རྩོམ་སྒྲིག་འགན་ཁུར་བ། རམས་ཚེ་བྷོ།
|
|
|
|
|
北京网笑信息技术有限公司 仅提供技术支持 违法和不良信息举报中心
