ཨེ་ཙི་འགོས་ནད་ཀྱི་འགོག་བཅོས་ཤེས་བྱ།

    1.ཨེ་ཙི་འགོས་ནད་འགོ་སླ་བའི་བྱ་སྤྱོད་གང་དག་ཡོད་དམ།

    འདི་ནས་གླེང་བའི་བྱ་སྤྱོད་ནི་ཨེ་ཙི་འགོས་ནད་འགོ་སླ་བའི་བྱ་སྤྱོད་ཡིན།

ལུས་འབྲེལ་བརྒྱུད་ནས་འགོ་བའི་བྱ་སྤྱོད་ནི།སྲུང་སྐྱོང་མི་བྱེད་པའི་ལུས་འབྲེལ་དང་ལུས་འབྲེལ་བྱེད་མི་མང་པོ་ཡོད་པ་སོགས་ཡིན།ཁྲག་ལམ་བརྒྱུད་ནས་འགོ་བའི་བྱ་སྤྱོད་ནི།ཁྲག་རྩ་ནང་དུག་རྒྱག་པ་དང༌།མི་གཞན་པ་དང་སྨན་ཁང་དང་དེའི་རིགས་ཀྱི་ཡོ་བྱད་མཉམ་སྤྱོད་བྱེད་པ།ཞིབ་བཤེར་ཚད་ལེན་བྱས་མེད་པའི་ཁྲག་གམ་ཁྲག་རྫས་བཀོལ་སྤྱོད་བྱེད་པ།དེ་མིན་ད་དུང་ཁྲག་ལམ་བརྒྱུད་ནས་འགོ་བ་ཡིན།དཔེར་ན།སྐྲ་བཞར་བ་དང་རྣམ་པ་མཛེས་བཟོ།ལུས་སྟེང་དུ་རི་མོ་གཙགས་པ།རྣ་བ་འབིགས་པ།རྐང་པ་མཛེས་བཟོ་སོགས་ཀྱི་ལག་ཆར་དུག་སེལ་མི་བྱེད་པ།མི་གཞན་པ་དང་ཁ་སྤུ་བཞར་གྲི་དང་གློག་སྒུལ་ཁ་སྤུ་བཞར་ཆས།སོ་ཤད་བཅས་མཉམ་བཀོལ་བྱེད་པ།ལུས་སྦྱོང་སྐབས་རྨས་སྐྱོན་བྱུང་ནས་ཁྲག་བཞུར་བ།རྨས་མ་སྐྱོབ་སྐབས་སྐྱོབ་མཁན་གྱིས་རྨས་མའི་ཁྲག་རེག་པ་བཅས་ལྟ་བུ།

    མ་བུ་བར་འགོ་ཚུལ།

    ཨེ་ཙི་འགོས་ནད་ཕོག་ཡོད་པའི་བུད་མེད་ལ་སྦྲུམ་ཆགས་པ་དང་བུ་ཕྲུག་སྐྱེས་རྗེས། བུ་ཕྲུག་ལ་ནུ་མ་ནུ་རུ་བཅུག་ན་བུ་ཕྲུག་ལ་ཨེ་ཙི་འགོས་ནད་འགོ་ཉེན་ཆེ།

   2.ཨེ་ཙི་འགོས་ནད་འགོ་བའི་ཐབས་ལམ་ཆེན་པོ་གསུམ། ཨེ་ཙི་འགོས་ནད་འགོ་བའི་ཐབས་ལམ་གཙོ་བོ་གསུམ་ནི།

    ཁྲག་ལམ་བརྒྱུད་ནས་འགོ་བ་དང་ལུས་འབྲེལ་བརྒྱུད་ནས་འགོ་བ། མ་བུ་བར་འགོ་བ་བཅས་གསུམ་ཡིན།

     3.ཨེ་ཙི་འགོས་ནད་མི་འགོ་བའི་ཐབས་ལམ་གང་དག་ཡོད༌།

    གཤམ་གྱི་རྒྱུན་ལྡན་ལྟར་འཚོ་བ་རོལ་ན་ཨེ་ཙི་འགོས་ནད་འགོ་མི་ཐུབ།

   （1）བཟའ་ཆས་དང་འཐུང་ཆུ།མཁའ་རླུང་བཅས་བརྒྱུད་ནས་ཨེ་ཙི་འགོས་ནད་འགོ་མི་ཐུབ།

   （2）མི་མང་འདུ་ས་རུ་སྤྱིར་བཏང་གི་འཚོ་བ་རོལ་བ་དང་སློབ་ཁང་གཅིག་ནས་སློབ་ཁྲིད་བྱེད་པ་དང༌།སྤྱི་པའི་འགྲིམ་འགྲུལ་ཡོ་ཆས་ཀྱི་སྡོད་སྟེགས་དང་ལག་པ་འཇུ་པ།གཞུང་སྒྲུབ་ཁང་གི་གཞུང་སྒྲུབ་བཀོལ་རྫས།བཟོ་གྲྭའི་འཁོར་ཁང་གི་ལག་ཆ།དེ་མིན་ད་དུང་གློག་བརྙན་ཁང་དང་ཚོང་ཁང༌། ཆུ་རྐྱལ་རྫིང་བུ་བཅས་ནས་འགོ་མི་སྲིད།

   （3）གུས་སྲོལ་རང་བཞིན་གྱི་ཁ་སྐྱེལ་བ།

   （4）གུས་སྲོལ་རང་བཞིན་གྱི་འཐམ་པ།

   （5）ཕྱོགས་གཉིས་ཀྱི་ལག་པར་རྨས་སྐྱོན་མེད་པའི་སྐབས་སུ་ལག་འཇུ་བྱེད་པ།

  （6）སྤྱོད་ཁང་དང་ཁྲུས་གཞོང་མཉམ་སྤྱོད་བྱེད་པ།

  （7）དུག་སྦྲང་སོགས་ཀྱིས་སོ་བཏབ་པ།

  （8）ཤོག་སྒོར་དང་དངུལ་སྒོར། འཛིན་ཡིག་སོགས།

   4.ཨེ་ཙི་འགོས་ནད་ལ་ནད་ཐོག་གི་ནད་རྟགས་གང་དག་ཡོད་དམ། （འགྲེལ་བཤད་རགས་བསྡུས）

    ཨེ་ཙི་འགོས་ནད་ཀྱིས་མིའི་རིམས་འགོག་མ་ལག་མ་གཏོར་བརླག་བྱེད་པས།མིའི་རིམས་འགོག་ནུས་པ་ཇེ་ཞན་དུ་གྱུར་ནས་རྒྱུན་ལྡན་གྱི་མི་ལ་འགོ་མི་ཐུབ་པའི་ནད་རིགས་དེ་རིམས་འགོག་ཞན་པའི་མི་ལ་འགོ་སླ་བ་ཡིན།དེ་བས་ཨེ་ཙི་འགོས་ནད་བྱུང་བའི་མི་ལ་རིམས་ནད་སྣ་ཚོགས་འབྱུང་སླ་བ་ཡིན།དེ་མིན་དམིགས་བསལ་གྱི་ནད་རྟགས་མེད།གཙོ་བོ་ནི་སྣ་མང་ཅན་གྱི་ཕྱོགས་བསྡུས་ནད་རྟགས་ཡིན།དུས་རྒྱུན་གྱི་ནད་རྟགས་ནི།དུས་རྒྱུན་དུ་ཚ་དམའ་མོ་སྐྱེས་པ་དང་དུས་ཡུན་ཐུང་ཐུང་ནང་ལུས་པོའི་ལྗིད་ཚད་ཇེ་ཡང་དུ་གྱུར་བ་དང་ལུས་ཤེད་མེད་པ།རྔུལ་ཆུ་མང་པོ་བཞུར་བ།རྒྱུན་དུ་ཁོག་པ་བཤལ་བ།རྒྱུན་དུ་གློ་ལུ་བ།ལུས་པོ་ཡོངས་ཀྱི་རྨེན་བུ་སྐྲངས་པ།མགོ་ཡུ་འཁོར་བ།མགོ་ན་བ།བློ་རིག་ཞན་པ།རིག་པ་གསལ་བོ་མིན་པ་སོགས་ཡིན།

    ཨེ་ཙི་འགོས་ནད་བྱུང་བའི་ནད་པར་མཚོན་ན་རྒྱུན་མཐོང་གི་འབྲས་སྐྲན་འབྱུང་བ་ནི་ཁ་པའོ་ཞི་ཧྲི་ཤ་སྐྲན་ཆེས་མང་བ།དེའི་ནད་རྟགས་ནི་སྔོ་ནག་གམ་རྒྱ་སྨུག་གི་པགས་འབྲུམ་འབུད་པ།ཁ་པའོ་ཞི་ཧྲི་ཤ་སྐྲན་མ་གཏོགས།གཞན་པའི་རྨེན་སྐྲན་དང་མཆིན་པའི་འབྲས་སྐྲན།མཁལ་མའི་འབྲས་སྐྲན་ཡང་མང་པོ་འབྱུང༌།

    5.ཨེ་ཙི་འགོས་ནད་བྱུང་རྗེས་དུས་ཡུན་རིང་ཐུང་གང་ཞིག་ཡོད་པ།

    ཨེ་ཙི་འགོས་ནད་བྱུང་བའི་ནད་པར་མཚོན་ན། ཨེ་ཙོ་འགོས་ནད་བྱུང་བ་ནས་འཆི་བའི་བར་སྤྱིར་བཏང་དུ་དུས་རིམ3ཡོད།

   （1）འགོ་ཡུན་དྲག་པོ།

   སྤྱིར་བཏང་དུ་ཨེ་ཙི་འགོས་ནད་བྱུང་རྗེས་གཟའ་འཁོར2ནས6བར་དུ་ནད་རྟགས་མངོན་པ་ཡིན།ནད་རྟགས་གཙོ་བོ་ནི་ཆམས་ནད་དང་འདྲ་ཞིང་མི་འགྱངས་པར་རང་བཞིན་གྱིས་དྲག་ངེས། སྐབས་འདིར་ཨེ་ཙི་འགོས་ནད་ཀྱི་ནད་དུག་ཞིབ་བཤེར་ཚད་ལེན་བྱེད་ཐུབ་མོད། འོན་ཀྱང་ཨེ་ཙི་འགོས་ནད་ཀྱི་ནད་དུག་གི་དུག་སྲིན་འགོག་རྫས་ཞིབ་བཤེར་ཚད་ལེན་བྱེད་དཀའ།

   （2）ནད་རྟགས་མེད་པའི་འགོ་ཡུན（ནད་རྟགས་མི་མངོན་པའི་དུས）

    ཨེ་ཙི་འགོས་ནད་ཀྱི་ནད་དུག་འགོས་པ་ནས་ཨེ་ཙི་འགོས་ནད་བྱུང་བའི་ནད་པར་གྱུར་པའི་སྐབས་འདིར་ནད་རྟགས་མི་མངོན་པའི་དུས་ཟེར།ནད་རྟགས་མི་མངོན་པའི་དུས་ཡུན་གྱི་རིང་ཐུང་ལ་མི་འདྲ།ཐུང་ན་ལོ་གཅིག་དང་རིང་ན་ལོ15ཡན་ཆད་དུ་བསླེབས།ཆ་སྙོམས་བྱས་ན་ལོ5ནས་ལོ7བར་ཡིན།

   （3）ཨེ་ཙི་འགོས་ནད་བྱུང་བའི་དུས་སྐབས།

     ཨེ་ཙི་འགོས་ནད་བྱུང་བའི་ནད་པའི་ལུས་པོའི་རིམས་འགོག་མ་ལག་ལ་གཏོར་བརླག་བྱས་ཡོད་པས་ཆེས་དམའ་མོའི་རིམས་འགོག་ནུས་པའང་མེད་པས།དྲག་ཏུ་འཇུག་དཀའ་བའི་ནད་རྟགས་མང་པོ་བྱུང་བས་ཨེ་ཙི་འགོས་ནད་བྱུང་བའི་ནད་པར་གྱུར་པ་ཡིན།ཨེ་ཙི་འགོས་ནད་བྱུང་བའི་ནད་པར་གྱུར་རྗེས་ལོ་ཕྱེད་ནས་ལོ་གཉིས་ནང་འཆི་ངེས།