2020ལོའི་དུས་ཆེན་ཁག་ཅིག་གི་ངལ་གསོའི་དུས་ཚོད་བཀོད་སྒྲིག་བརྡ་ཐོ།

རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས2020ལོའི་དུས་ཆེན་ཁག་ཅིག་གི་ངལ་གསོའི་དུས་ཚོད་བཀོད་སྒྲིག་བྱས་པའི་བརྡ་ཐོ།

ཟླ11པའི་ཚེས21ཉིན་གློག་འཕྲིན་འབྱོར་གསལ། རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས2020ལོའི་དུས་ཆེན་ཁག་ཅིག་གི་ངལ་གསོའི་དུས་ཚོད་བཀོད་སྒྲིག་བྱས་པའི་བརྡ་ཐོ་གཤམ་གསལ་ལྟར།

ཞིང་ཆེན་དང་། རང་སྐྱོང་ལྗོངས། ཐད་གཏོགས་གྲོང་ཁྱེར་བཅས་ཀྱི་མི་དམངས་སྲིད་གཞུང་དང་། རྒྱལ་སྲིད་སྤྱི་ཁྱབ་ཁང་དང་ཐད་གཏོགས་ལས་ཁུངས་བཅས་ལ། 

རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད། 2020ལོའི་སྤྱི་ལོའི་ལོ་གསར་དུས་ཆེན་དང་། ལུགས་རྙིང་ལོ་གསར་དུས་ཆེན། དྭངས་གསལ་དུས་ཆེན། ངལ་རྩོལ་དུས་ཆེན། ལྔ་བའི་ཚེས་ལྔའི་དུས་ཆེན། རྒྱལ་སྟོན་དུས་ཆེན་དང་ཟླ་མཆོད་དུས་ཆེན་སོགས་ཀྱི་ངལ་གསོའི་དུས་ཚོད་བཀོད་སྒྲིག་བྱས་པ་གཤམ་གསལ་ལྟར་ཡིན།

གཅིག སྤྱི་ལོའི་ལོ་གསར་གྱི་ངལ་གསོའི་དུས་ཚོད། 2020ལོའི་ཟླ1པོའི་ཚེས1ཉིན་ཡིན། ཁྱོན་བསྡོམས་ངལ་གསོ་ཉིན1ཡིན།

གཉིས།  ལུགས་རྙིང་ལོ་གསར་གྱི་ངལ་གསོའི་དུས་ཚོད། ཟླ1པོའི་ཚེས24ཉིན་ནས་ཚེས30ཉིན་བར་ཡིན། ཁྱོན་བསྡོམས་ངལ་གསོ་ཉིན7ཡིན། ཟླ1པོའི་ཚེས19ཉིན་(གཟའ་ཉི་མ)དང་ཟླ2པའི་ཚེས1ཉིན་ (གཟའ་སྤེན་པ)ལས་ཚོགས་ཡིན།

གསུམ། དྭངས་གསལ་དུས་ཆེན་གྱི་ངལ་གསོའི་དུས་ཚོད། ཟླ4པའི་ཚེས4ནས་ཚེས6ཉིན་བར་ཡིན། ཁྱོན་བསྡོམས་ངལ་གསོ་ཉིན3ཡིན།

བཞི། ངལ་རྩོལ་དུས་ཆེན་གྱི་ངལ་གསོའི་དུས་ཚོད། ཟླ5པའི་ཚེས1ཉིན་ནས་ཚེས5ཉིན་བར་ཡིན། ཁྱོན་བསྡོམས་ངལ་གསོ་ཉིན5ཡིན། ཟླ4པའི་ཚེས26ཉིན་(གཟའ་ཉི་མ)དང་ཟླ5པའི་ཚེས9ཉིན་(གཟའ་སྤེན་པ)ལས་ཚོགས་ཡིན།

ལྔ། ལྔ་བའི་ཚེས་ལྔའི་དུས་ཆེན་གྱི་ངལ་གསོའི་དུས་ཚོད། ཟླ6པའི་ཚེས25ཉིན་ནས་ཚེས27ཉིན་བར་ཡིན། ཁྱོམ་བསྡོམས་ངལ་གསོ་ཉིན3ཡིན། ཟླ6པའི་ཚེས28ཉིན་(གཟའ་ཉི་མ)ལས་ཚོགས་ཡིན།

དྲུག རྒྱལ་སྟོན་དུས་ཆེན་དང་ཟླ་མཆོད་དུས་ཆེན་གྱི་ངལ་གསོའི་དུས་ཚོད། ཟླ10པའི་ཚེས1ནས་ཚེས8ཉིན་བར་ཡིན། ཁྱོན་བསྡོམས་ངལ་གསོ་ཉིན8ཡོད། ཟླ9པའི་ཚེས27ཉིན(གཟའ་ཉི་མ)དང་ཟླ10པའི་ཚེས10ཉིན་(གཟའ་སྤེན་པ)ལས་ཚོགས་ཡིན། 

དུས་ཆེན་གྱི་ངལ་གསོའི་སྐབས་སུ་ས་ཁུལ་ཁག་དང་སྡེ་ཁག་སོ་སོས་ལས་རེས་དང་། བདེ་འཇགས། འགན་སྲུང་སོགས་ཀྱི་ལས་དོན་བཀོད་སྒྲིག་བཟང་བོ་བྱེད་དགོས་པ་དང་། ཐོལ་བྱུང་དོན་རྐྱེན་ཚབས་ཆེན་བྱུང་ཚེ་གཏན་འབེབས་ལྟར་དུས་ཐོག་ཏུ་སྙན་སེང་ཞུ་བ་དང་། འོས་འཚམ་གྱིས་ཐག་གཅོད་བྱས་ཏེ་མི་དམངས་མང་ཚོགས་འཆམ་མཐུན་ངང་དུས་ཆེན་གྱི་ངལ་གསོ་ལ་རོལ་ཐུབ་པར་འགན་ལེན་བྱ་དགོས།