第二届运动会（2023）
校园景色
校园夜景
首届运动会-校长发言
ཨ་མ་ལགས།༼འཇིག་མེད་རབ་བརྟན། དམའ་གཅིག་འཛིན་གྲྭ་བཞི་པ།༽
འཇིག་མེད་རབ་བརྟན། དམའ་གཅིག་འཛིན་གྲྭ་བཞི་པ།
བུ་ཆུང་ངའི་ངུ་ངག་གི་དབྱངས་རྟ་ཐོག་མ་དེ་འཇིག་རྟེན་མི་ཡུལ་དུ་བསྒྲགས་པའི་ཉིན་མོ་དེ་ནས་བཟུང་། ཨ་མའི་བརྩེ་སེམས་དྲོད་མོ་དེ་ངའི་འཚར་ལོངས་ཀྱི་གོ་རིམ་དང་ནམ་ཡང་ཁ་བྲལ་མ་མྱོང་ལ། ཨ་མའི་བརྩེ་སེམས་དྲོད་མོ་དེ་ངའི་འཚར་ལོངས་ཀྱི་གོ་རིམ་དང་ཡང་ནམ་ཡང་ཁ་བྲལ་མ་མྱོང་། ཨ་མའི་སེམས་ཁོང་དུ་བུ་ཆུང་གི་གཟུགས་རིས་བོར་བའི་དུས་ཚོད་ནི་དེ་བས་ཀྱང་དབེན། ཨ་མའི་དཀའ་སྡུག་གི་རྔུལ་ཆུའི་ཐིགས་པ་རེ་རེ་བུ་ཆུང་ངའི་གཞོན་དུས་ཀྱི་མིག་དཔེར་གྱུར་མྱོང་ལ། ལམ་སྟོན་གྱི་སྒྲོན་མེའང་ཉག་ཅིག་ཏུ་གྱུར་ཡོད།
ཨ་མ་ལགས། ཁྱེད་ཀྱི་སྤྱོད་ལམ་ཕྲ་མོ་རེ་རེས་བདག་ལ་བྱ་བ་གང་ཞིག་ཇི་ལྟར་སྒྲུབ་པའི་དཔེ་བསྟན་ཅིང་། བུ་ཆུང་ངའི་བསླབ་ལ་བརྩོན་པའི་མདུན་སྤྱོད་ཀྱི་སྙིང་སྟོབས་དང་ཞུམ་མེད་ཀྱི་སྤོབས་པ་དེ་ཁྱེད་ཀྱི་བྱམས་བརྩེ་ལས་ཐོབ་པ་མ་ཡིན་ནམ།
ཨ་མ་ལགས།བྱིས་དུས་ཀྱི་ང་ནི་ཁྱེད་ཀྱི་མཐོང་ལམ་ཀྱི་སྐར་མ་འོད་ཆེན་ཞིག་དང་འདྲ་བར་ནམ་རྒྱུན་ཁྱོད་སེམས་ཀྱི་མཁའ་དབྱིངས་སུ་འོད་དུ་འཚེར། ངའི་ལྷད་མེད་ཀྱི་སེམས་པ་དང་ལུགས་མཐུན་གྱི་གཤིས་སྤྱོད། ཧུར་བརྩོན་གྱི་སྙིང་སྟོབས་སོགས་ལ་ཀུན་གྱིས་མཐེ་བོང་སྒྲེང་བ་འདི་ཁྱེད་ཀྱི་བཀའ་དྲིན་མ་ཡིན་ནམ།
ཨ་མ་ལགས། འུར་འུར་དུ་ལྡང་བའི་ལྷགས་རླུང་དང་ཤག་ཤག་དུ་འབབ་པའི་དྲག་ཆར་ཁྲོད་དམ།ཡང་ན་འཛད་མེད་ཀྱི་ཁྱིམ་ལས་ཁྲོད།ཁྱེད་ཀྱིས་ཡོད་ཚད་རང་གི་བུ་ཕྲུག་གི་ཆེད་དུ་ཕུལ།
དེའི་ཕྱིར། བདག་གིས་ག་དུས་ཡིན་ཡང་ཨ་མའི་རེ་འདུན་མངོན་འགྱུར་གྱི་ཆེད་དུ། ཁ་བཤད་ཆུ་ཡི་ཝུ་བ་དང་ལག་ལེན་གསེར་གྱི་ཐིགས་པ་ཞེས་པའི་དཔེ་ལྟར་དུ་བརྩོན་པའི་རྒྱུན་མི་གཏོང་བར་རང་ནུས་ཡོད་ཚད་རྩལ་དུ་སྤྲུགས་ནས་མདུན་ལམ་ཞིག་འཚོལ་ངེས་ཡིན།
ཨ་མ་ལགས། སློབ་གྲྭའི་སྒོ་ཐེམ་བརྒལ་བ་ནས་བཟུང་།བུ་ཆུང་ངས་ཁྱེད་ཀྱིས་ང་ལ་བཅངས་པའི་རེ་བ་ཡོད་ཚད་སྟོང་ཟད་དུ་མི་གཏོང་བར་དམ་བཅས་པ་ཡིན།
2022ལོར《གངས་རྒྱན་ན་ཆུང་ཚགས་པར》སྟེང་བཀོད།
|
|
|
|
|
北京网笑信息技术有限公司 仅提供技术支持 违法和不良信息举报中心
