རིན་ཆེན་སྒྲོལ་མ།
དམའ་གཉིས་འཛིན་གྲྭ་ལྔ་པ།
བདག་གི་དྲིན་ཆེན་མ་ལོའི་ལྷག་བསམ་དེ།
།
སྟོད་ཀྱི་གངས་རི་ལས་ཀྱང་མཐོ་ཞིང་དཀར།
།
བུ་མོ་ང་རང་གང་དུ་སོང་ན་ཡང་།
།
དྲིན་ཆེན་ཨ་མའི་བཀའ་དྲིན་བརྗེད་མི་སྲིད།
།
ཟླ་དགུ་ཞག་བཅུར་ཁུར་བའི་ཨ་མ་ཡིས།
།
སྐྱེས་མ་ཐག་ནས་བྱམས་བརྩེ་ང་ལ་གནང་།
།
དཔྲལ་བའི་མིག་བཞིན་ང་རང་གཉོར་སྐྱོང་བྱས།
།
དྲིན་ཆེན་ཨ་མའི་བཀའ་དྲིན་བསམ་མི་ཁྱབ།
།
བྱམས་བརྩེའི་སེམས་ཀྱིས་བསྐྱངས་པའི་ལོ་ཟླའི་ནང་།
།
ཨ་མའི་བཀའ་གསུང་ཉན་བཞིན་ཕུགས་བསམ་འཚོལ།
།
དྲིན་ཆེན་ཨ་མས་གནངས་པའི་བརྩེ་བ་དེ།
།
རྟག་ཏུ་ཡོད་ན་ང་རང་བདེ་ཞིང་སྐྱིད།
།
འཇིག་རྟེན་འདི་ན་བྱམས་ལྡན་མང་ན་ཡང་།
།
ཨ་མ་ལྟ་བུའི་བྱམས་ལྡན་ཡོད་མི་སྲིད།
།
བྱམས་བརྩེའི་བདག་མོ་དྲིན་ཆེན་མ་ཡུམ་ཁྱེད།
།
ནད་མེད་ཚེ་རིང་ཡོང་བའི་སྨོན་འདུན་ཞུ།
།
主 办:泽库县西部民族中学《青春足迹》编辑部
编 辑:扎西加
复 审:叶旦加
终 审:多杰项青