第二届运动会(2023)

校园景色

校园夜景

首届运动会-校长发言

当前位置: 首页 > 藏区教育 > དབྱར་དགུན་ཉི་ལྡོག་གི་རྣམ་བཤད། ཐུབ་བསྟན་ཕུན་ཚོགས།

དབྱར་དགུན་ཉི་ལྡོག་གི་རྣམ་བཤད། ཐུབ་བསྟན་ཕུན་ཚོགས།

2019年12月22日 13:07:11 访问量:640


དབྱར་དགུན་ཉི་ལྡོག་གི་རྣམ་བཤད།

ཐུབ་བསྟན་ཕུན་ཚོགས།

དགུན་ཉི་ལྡོག་ཅེས་པ་ནི།  ས་ཡི་གོ་ལས་ཉི་མའི་དཀྱིལ་འཁོར་ལ་བསྐོར་བ་ཐེངས་རེ་བྱ་བའི་ཡུན་ལ་ཉིན་ཞག365འགོར་ཞིང་།  དེ་ཡང་སའི་གོ་ལས་ཉི་མའི་དཀྱིལ་འཁོར་ལ་གཡོན་བསྐོར་དུ་བགྲོད་པའི་ཚེ།  ས་ཡི་གོ་ལ་དེ་ཉི་མའི་ལྷོ་ཕྱོགས་དྲང་ཐིག་གི་ཐོག་ཏུ་སླེབས་པའི་ཉིན་དེ་ལ་ཟེར།  དེ་ནི་གོ་ལའི་བྱང་ངོས་འདིར་ཉི་མ་དང་ཐག་རིང་ཤོས་དང་།  ཉིན་མོ་ཐུང་ལ་མཚན་མོ་རིང་ཤོས་ཀྱི་ཉི་མ་དེ་ཡིན།  དེ་ནས་བཟུང་ཉི་མ་བྱང་ཕྱོགས་ལ་ཡར་བསྐོར་བགྲོད་པས་རིམ་བཞིན་ཉི་མ་ཇེ་རིང་དང་།  མཚན་མོ་ཇེ་ཐུང་དུ་འགྲོ་བ་མ་ཟད།  གོ་ལའི་བྱང་ངོས་འདིའང་ཉི་མ་དང་ཐག་ཇེ་ཉེར་འགྲོ་ཞིང་ཡོད།  འོན་ཀྱང་གོ་ལའི་ལྷོ་ཕྱོགས་ནི་དེ་ལས་ལྡོག་སྟེ་ཉི་མའི་དཀྱིལ་འཁོར་དང་ཐག་ཉེ་ཞིང་ས་དྲོད་དང་།  ཆར་ཆུ་རྒྱས་པའི་དབྱར་དུས་ཡིན་སྟབས།  ཉིན་མོ་རིང་ཞིང་མཚན་མོ་ཐུང་བའི་དུས་ཡིན།

རི་མོའི་ནང་གི་མི་གཟུགས་སྒུར་པོ་ནི་གོ་ལའི་ལྷོ་བྱང་མཚོན་བྱེད་ཡིན།  མགོ་བོ་བྱང་ལ་འཕོངས་རྐུབ་ལྷོ།  དབྱར་དུས་མགོ་དང་ཉི་མ་ཐག་ཉེ།  དགུན་དུས་མགོ་དང་ཉི་མ་ཐག་རིང་།

དབྱར་ཉི་ལྡོག་ཅེས་པ་ནི།  ས་ཡི་གོ་ལ་ཉི་མའི་བྱང་ཕྱོགས་སུ་དྲང་ཐིག་གི་ཐོག་ཏུ་སླེབས་ཤིང་ང་ཚོ་གནས་པའི་བྱང་མཐའ་འདི་ཉི་མ་དང་ཐག་ཉེ་ཤོས་གྱུར་སྟབས།  ས་ལ་དྲོད་དང་ཆར་ཆུ་རྒྱས་པའི་དུས་ཡིན་ཞིང་།  ཉིན་མོ་རིང་ལ་མཚན་མོ་ཐུང་ཤོས་ཀྱི་ཉིན་ཞིག་ཡིན།  དེ་ནས་བཟུང་ས་ཡི་གོ་ལ་དེ་རིམ་བཞིན་ལྷོ་ཕྱོགས་སུ་བསྐོར་འགྲོ་ཞིང་ཡོད་སྟབས་ཉིན་མོ་ཇེ་ཐུང་དང་།  མཚན་མོ་ཇེ་རིང་དུ་འགྲོ་བཞིན་ཡོད་ཅིང་།  གོ་ལའི་བྱང་ངོས་འདི་ཉི་མ་དང་ཐག་ཇེ་རིང་འགྲོ་ཞིང་ཡོད་སྟབས་གནམ་གཤིས་ཀྱང་ཇེ་གྲང་དུ་འགྲོ་བཞིན་ཡོད།  འོན་ཀྱང་གོ་ལའི་ལྷོ་མཐའ་དེར་དགུན་ཉི་ལྡོག་གི་སྐབས་སུ་སླེབས་ཡོད་པས་ཉིན་མཚན་རིང་ཐུང་དང་།  གནམ་གཤིས་སོགས་དེ་ལས་ལྡོག་པ་ཡོང་བ་ནི་གོང་དུ་བཤད་པ་ལྟར་རོ། །

ནུབ་ཕྱོགས་པའི་རྩིས་ལུགས་ལྟར་ན་དབྱར་ཉི་ལྡོག་ནི་རག་པ་ཉི་མ་ཀར་ཊའི་ཁྱིམ་དུ་འབྱོར་ཉིན་དང་། དགུན་ཉི་ལྡོག་ནི་རག་པ་ཉི་མ་ཆུ་སྲིན་ཁྱིམ་དུ་འབྱོར་ཉིན་དེར་ཡིན།

སྐར་རྩིས་ཀྱི་གཞུང་རྣམས་སུ་དབྱར་དགུན་ཉི་ལྡོག་ནི་རང་བྱུང་ཁམས་ཀྱི་གནས་ཚུལ་ཞིག་ཡིན་སྟབས་ཉིན་མཚན་རིང་ཐུང་དང་།  གནམ་གཤིས་ཀྱི་འགྱུར་བ་སོགས་ཚན་རིག་གི་འགྲེལ་བཤད་ཙམ་ལས་རྟེན་འབྲེལ་ལ་ཉེ་བ་སོགས་ཆོས་ལུགས་དང་།  དམངས་སྲོལ་སོགས་ཀྱི་འགྲེལ་བཤད་གང་ཡང་མེད།
བོད་ཀྱི་དམངས་ཁྲོད་བཤད་སྲོལ་ལ།  དགུན་ཉི་ལྡོག་སྐབས་སུ་ཉི་མ་ལྷོ་ཕྱོགས་གཤིན་རྗེའི་གྲོང་ནས་འཆར་ཞིང་ཡོད་སྟབས།  དེས་ནད་ཡམས་དང་།  མུ་གེ་སོགས་འགལ་རྐྱེན་བར་ཆད་མང་པོ་ཁྱེར་ནས་ཡོང་ཞིང་ཡོད་པ་མ་ཟད།  ཉིན་དེར་ལོ་དེའི་རིང་ལ་འཆི་རེས་ལ་བབས་པའི་མི་རྣམས་ལ་གཤིན་རྗེའི་ཁྲམ་རྟགས་འདེབས་ཤིང་ཡོད་སྟབས།  འགལ་རྐྱེན་དེ་དག་ཟློག་པའི་ཆེད་དུ་ཉི་ལོག་གཏོ་ཟློག་སྣ་ཚོགས་འདོན་སྲོལ་ཡོད།  དཔེར་ན།  དགོན་པ་རྣམས་ཀྱིས་ཕུར་ཟློག་དང་།  ཡས་ཟོར་སོགས་ཀྱི་གཏོར་ཟློག་དང་།  གྲོང་ཆོག་པ་རྣམས་ཀྱིས་ཤེར་སྙིང་བདུད་བཟློག་དང་།  སྒྲོལ་མ་གཡུལ་མདོས་སོགས་འདོན་སྲོལ་ཡོད་པ་རེད།
དབྱར་ཉི་ལྡོག་སྐབས་སུ།  ཉི་མ་དེ་བྱང་ཕྱོགས་རྣམ་སྲས་བང་མཛོད་ནས་འཆར་ཞིང་ཡོད་སྟབས་ཆར་ཆུ་དུས་སུ་འབབ་ཅིང་།  ལོ་ཕྱུགས་རྟག་ཏུ་ལེགས།  མི་ནད་དང་།  ཕྱུགས་ནད་ཐམས་ཅད་ཞི་བའི་མཐུན་རྐྱེན་བཟང་བོ་ཁྱེར་ཡོང་ཞིང་ཡོད་སྟབས།  བཀྲ་ཤིས་གཡང་འབོད་ཀྱི་ཆོ་ག་འདོན་པའི་སྲོལ་ཡོད་པ་རེད།  དཔེར་ན།  འབྲོག་སྡེ་རྣམས་གཙོ་བོར་བྱེད་ཅིང་དུས་འདིར་གཡང་སྐྱབས་དང་།  གསེར་འོད།  ཡུལ་ལྷ་མནོལ་བསང་སོགས་ཀྱི་རིམ་གྲོ་འདོན་སྲོལ་ཡོད་པ་རེད།  འདི་ནི་རྨོངས་དད་དང་འབྲེལ་བའི་དམངས་ཁྲོད་ཀྱི་གོམས་སྲོལ་ཞིག་ཡིན་པ་ལས་ཚན་རིག་དང་མཐུན་པའི་རྒྱུ་མཚན་གང་ཡང་མེད།  འོན་ཀྱང་ཡུལ་སྲོལ་དེ་ངོ་བོ་བཟང་ངན་གང་ཡིན་ཡང་།  བོད་ཀྱི་དམངས་ཁྲོད་ཡུལ་སྲོལ་ཞིག་ཡིན་པ་ཤེས་དགོས།
རྒྱ་ནག་ཡུལ་དུ་དགུན་ཉི་ལྡོག་ནི་ལོ་གསར་དང་ཉེ་བའི་དུས་སྟོན་ཞིག་ཡིན།  བྱང་ཤར་ཕྱོགས་ཀྱི་རྒྱ་རིགས་རྣམས་ཀྱིས་དུས་སྟོན་འདི་བསུ་བའི་ཆེད་དུ།  ནང་མི་བྱེས་སོང་རྣམས་ཁྱིམ་དུ་འཛོམས་ཅི་ཐུབ་དང་།  དེ་དག་ལྷན་ཅིག་ཏུ་ཅའོ་ཙི(饺子)ཞེས་པ་གྲོ་ཟན་ནང་དུ་ཤ་ཕྱེ་དང་།  སྔོ་ཚལ་སོགས་བཏུམས་པའི་ཟས་རིགས་ཞིག་བཟའ་མི་ལྷན་འཛོམས་ཀྱི་རྟེན་འབྲེལ་ཆེད་དུ་བཟའ་སྲོལ་ཡོད་འདུག་ལ།  ལྷོ་ཕྱོགས་པ་རྣམས་ཀྱིས་དུས་སྟོན་བསུ་ཞིང་ཕ་མེས་ཀྱི་ལྷ་མཆོད་པའི་དུས་ཆེན་ཞིག་ཀྱང་ཡིན།
དེ་བཞིན་དུ་མི་རིགས་སོ་སོའི་ཡུལ་དུ་རང་རང་གི་གོམས་སྲོལ་དང་འབྲེལ་བའི་དགུན་ཉི་ལྡོག་ལ་བཤད་སྲོལ་མི་འདྲ་བ་རེ་ཡོད་སྲིད་ཀྱང་ཁོ་བོས་ཤེས་པ་ནི་དེ་ཙམ་མོ།།
བོད་ཀྱི་ལོ་རྒྱུས་ཐོག་རིག་གནས་ནང་འདྲེན་ཡིན་ཁུལ་གྱིས་མི་རིགས་རང་གི་རིག་གནས་རྣལ་མ་དེ་ཉིད་རིམ་བཞིན་རྡོག་རོལ་བྱེད་མཁན་ནི་བླ་ལོག་གྲྭ་ལོག་ཁ་ཤས་ཤིག་ཡིན་པ་ལྟར།  དེང་དུས་ཀྱང་དེ་བཞིན་དུ་བོད་ཀྱི་དར་དཀར་རིག་གནས་ལ་གཏོར་བཤིགས་བྱེད་ཅིང་དར་སེར་དང་།  དར་དམར་སོགས་དར་སྤེལ་གཏོང་བ།  དེ་བཞིན་དུ་སྲོལ་རྒྱུན་རིག་གནས་རྣམས་ཀྱང་རིམ་བཞིན་གཞན་འགྱུར་བཟོ་མཁན་ནི་ཡོན་ཏན་མེད་ལ་ཧམ་པ་མཐོ་བའི་བླ་ལོག་རྣམས་ཡིན་པ་བཤད་མ་དགོས་པ་རེད།  དཔེར་ན་ལོ་ཤས་སྔོན་ལ་ཁམས་ཕྱོགས་ཀྱི་བླ་ལོག་འགའ་ཞིག་གིས་རང་ལུགས་ཀྱི་ཡུལ་སྲོལ་ནང་མེད་པའི་དགུན་ཉི་ལྡོག་ནི་བཀྲ་ཤིས་པའི་ཉི་མ་ཞིག་ཡིན་སྟབས།  ཉིན་འདིར་ཀུན་བཟང་སྨོན་ལམ་འདོན་དགོས་པའི་སྐུལ་མ་གཏོང་འདུག་པ་འདི་ནི་རྒྱ་ནག་ལྷོ་ཕྱོགས་པའི་མི་སེར་རྣམས་ཀྱི་ལུགས་ལ་ལད་མོ་བྱས་པ་ཞིག་ཡིན་པར་ཤེས་སླ། 
ཞེས་པ་བོད་ཀྱི་དམངས་ཁྲོད་ཡུལ་སྲོལ་ལས་ཉི་ལོག་སྐབས་ཀྱི་གོམས་སྲོལ་འགའ་ཞིག་ངོ་སྤྲོད་འདི་ནི་ཉི་ལྡོག་གི་དུས་ལ་ཉེ་བའི་སྐབས་སུ།  བོད་ཀྱི་ལོ་རྒྱུས་སྨྲ་བའི་རྒྱལ་ཁམས་པ་ཐུབ་བསྟན་ཕུན་ཚོགས་དེས།  ལྷོ་ནུབ་མི་རིགས་སློབ་གྲྭ་ཆེན་མོའི་རང་ཤག་ནས།  སྤྱི་ལོ2019ལོའི་ཟླ་བ12པའི་ཚེས་18ཉིན་སྤྲིངས།

ཡོང་ཁུངས། གངས་ལྗོངས་ཉི་གཞོན་འཕྲིན་སྟེགས་ལས་དྲངས།

ཚ་ཤོས།

【བརྙན】མདའ་བཞི་ས་ཆའི་ལོ་སར་རོལ་སྟངས་སྐོར་གྱི་ཁ་བརྡ།

《མཚོ་བྱང་སྨྱན་གསར》འཕྲིན་སྟེགས་མིང《ཨ་མདོ་སྨྱན་གསར》དུ་བསྒྱུར།

ཉི་མ་སྒྲོལ་མས་མཚོ་བྱང་རྩྭ་ཐང་སྔར་ལས་མཛེས་པར་གྱུར་དགོས་ཟེར།(བརྙན)

བོད་མིའི་འདུ་ཤེས་ལས་འཕྲོས་པའི་ཁོར་ཡུག་སྲུང་སྐྱོབ་བྱེད་ཚུལ།

རྩོམ་སྒྲིག་པ། དབང་ཆེན་དོན་འགྲུབ།

རྩོམ་སྒྲིག་འགན་ཁུར་བ། ཕག་མོ་ཚེ་བརྟན།

སྤྱི་ཁྱབ་ལྟ་སྐུལ་བ། གཡང་འབུམ་ཚེ་རིང་།

编辑:扎西加
评论区
发表评论

评论仅供会员表达个人看法,并不表明网校同意其观点或证实其描述
中国现代教育网 教育部 不良信息
垃圾信息 网警110
郑重声明:本站全部内容均由本单位发布,本单位拥有全部运营和管理权,任何非本单位用户禁止注册。本站为教育公益服务站点,禁止将本站内容用于一切商业用途;如有任何内容侵权问题请务必联系本站站长,我们基于国家相关法律规定严格履行【通知—删除】义务。本单位一级域名因备案流程等原因,当前临时借用网校二级域名访问,使用此二级域名与本单位官网权属关系及运营管理权无关。泽库县西部民族中学 特此声明。
中华人民共和国电信经营许可证 ICP证 京ICP备13002626号-8 京公网安备11010502032087
联系地址:宁秀乡
联系电话:17397039994
北京网笑信息技术有限公司 仅提供技术支持 违法和不良信息举报中心